نصائح لتلاميذ السنة الثانية باك - تجربة لاحد التلاميذ

أهم حاجة هاد العام في النظام الا منظمتوش راسكم، كتضيعو الوقت، كتلفو، کترونو، کيصحاب لكم راسكم ما فاهمين والو، و أن داكشي معقد بزاف... بينما راه غير معرفتوش تنظمو وقتكم و تستغلو قدراتكم. الدروس كيوضاحو، عدد التمارين لي كتخدموهم عادة كيتزاد و يفيدكوم أكثر، و تفهمو المادة أحسن.و باش تكونو منظمين، خاس يكون عندكم الانضباط . الواحد مکیتولدش منضابط، كيربي راسو يرجع منضابط، بعدو على المشوشات، هدفكم يكون تحت عينكم و الطريقة لي غادي توصلو بها ليه على ذكر الانضباط، تذكرو الصلاة. أو العبادة بصفة عامة. القراية غادي تاخذ لكم وقتكم، و لكن متفرطوش فالصلة ديالكم مع الله  سبحانه و تعالى. الا انضابطتو فصلاتكم، ساهل تنضابطو فقرايتكم، ولي مكصليش، يحاول شوية بشوية. وقت الصلاة بالنسبة ليا كان وقت راحة، حيت كنذكر فيه الله و كنسي لقراية. و فالأوقات الصعيبة، الإيمان بالله هو لي كي ثبت الواحد.

استعملوه باش يكون برنامجكم الأسبوعي واضح و ساهل للتغيير.كيعاونكم تنضابطو و كتحسو أنكم خاسكم تكونو فالمستوى خصصو بعض أيام من الأسبوع لمادة وحدة و واظبو على هاد الحصص النجاح كي جي من التوازن و ماشي ديما من قتلة الخدمة. الكريد و الدمير يقدو ينجحوكم فالباك، و لكن معا الوقت كيجي burn-out. لا بد الواحد يرتاح فالنهار و فالأسبوع. ساعة فالنهار

مورا المدرسة، و واحد لعشية فنهاية الأسبوع. راكم ماشي ماكنة، و لكن بنادم.

الرياضة مهمة بزاف. واخا غي تمشاو فالخارج، الجلوس بزاف ممزيانش للدماغ، الإنسان دار للحركة، حاولو تخدمو واقفين، ديرو الحبل، تحرکو و دماغکم کینشط. الا تعكس لكم شي تمرین، نوضو، ضربو دورة و رجعو ليه، أنا ديما صدقات لیا.

تعاونوا مع زملائكم و أصدقائكم. عقل كي كمل عقل، وكتضامنو بيناتكم حيت التوجاد للباك ماشي ساهل، و الجانب الإنساني مهم.

المبادرة. هاد العام نتي و نتا لي غادي دوزو الباك، بحتو على المعلومات والفرص. بنيو راسکم بیدیکم، جربو و متحافوش تخطأو، المشكل ماشي تخطأو ولكن تبقاو جالسين كتأسفو من حالكم و مكديرو والو. أنا خطأت و عاودت، عاد تقادیت. خودو مستقبالكم بين يديكم و اكتاشفو على شنو نتوما قادين.

العطلة. استغلوها حيث هاد العام خاص، هو عام الباك. طلو على دروس المواد الصعبة و حاولو تخدمو بعض التمارين التطبيقية فالدروس الأولى.

التشتت. بلاصت متركز على مصدرين أو ثلاثة للتمارين، كنت فالأول دالعام كنقلب فيزاف الكتب و المواقع، و كنت كنحس براسي تالفة، من بعد تبعت أبسط طريقة : نتبع الدرس فالقسم، مقديتش كاين youtube أولا المراجعة، كنخدم تمارين تطبيقية ديال أستاذ أو أستاذة القسم، و إيلا كانو قلال کندوز لكتاب التمارين بحال MAXI، و من بعد كنخدم الوطنيات. فالأخير عاد كنعزز بتمارين من مصادر أخرى 

قلة النوم، السهير عمرو مخدم معايا، ديما كيخرج عليا، کنسهر قبل شي امتحان، ما كنجيبش فيه مزيان، النعاس عهم بحال القراية، كيخلکوم ترسخو المعلومات، و تستارجعو نشاطكم. منفرطوش فنعاسكم. متفرطوش فصحتكم. التخوف الزائد عن اللزوم. طوال الأسدس الأول كامل، كنت كنحس بالضياع و الخوف من الباك. كنت كنضغط على راسي بزاف الا ما جبتش مزيان. ارتكبت بزاف الأخطاء بسباب هاد الخوف. نهار قررت نتوکد و بدیت کنظم خدمتي SC MATHS ہدات کتوضاح، و نقطي فالمواد العلمية تزادو. سبب الإحساس بالضياع كان هو قلة النظام و الانضباط. واخا تبداو العام بنقط هابطة، راكم قادين تحسنو خدمتکم و تجيبو مزيان

فآخر السنة. جربتها، فالأسدس الأول جبت تحت معدل القسم، فآخر السنة حيت من الأوائل. و هذا من فضل ربي.

PERSONAL TIPS

هاد الطريقة خدمت بها من الجهوي للاجتماعيات و التربية الإسلامية. مني كنبغي نبدا المراجعة، كناخد ورقة و قلم و کنکتب أي حاجة عقلت عليها فالدرس، كانو مفاهيم، كانو علاقات، كانو منحنيات.. باش نشوف شنو ضابطة و شنو ما ضابطاش، عاد کترجع للدرس و کنفراه، بهاد الطريقة كتفيق دماغك وكتحدد شنو تركز عليه. استعملتها هاد العام فجميع المواد تقريبا، و بالخصوص مادة الفلسفة، اكتشفت سميت هاد الطريقة حتا قريت كتاب دیال Unjaded Jade

 دفتر جامع كنت شريت واحد الدفتر كبير spirales قسمتو بين المواد العلمية و خدمت فيه التمارين و الوطنيات. كنديه معايا فينما مشيت و جامع كلشي

حاولو تعرفو على الدرس خارج المقرر، أو الظاهرة لي کدرسوها خارج نطاق القسم باش تشوفو التأثير ديالها على الحياة من حولك. . قراو الدرس و مباشرة كتبو العلاقات و نتوما كتخدمو التمارين يدخلو ليكم فراسكم. ضبط الدرس بالتمارين التطبيقية، و اعتامد على تمارين الوطنيات حيت فيهم تطبيق و تعمق و يعاونوكم تفهمو الظاهرة أكثر فأكثر. 

نوعو فالتمارين باش توجدو لامتحان القسم. كتب المقرر الفرنسي مفيدة بزاف، فيها تجارب و دروس مشروحة مزيان، صور، روابط، تماریين

من كتب التمارين المزيانة كاینین MAXI و AL.MOSSAID كاينين فموقع profsalmi

قراو MOUFID فيه العجب. الدرس مشروح مزيان، فيه منهجية الإجابة، نصائح و علاقات إضافية. راه هو الكتاب المعتمد منطابق للمقرر. لمهم، راه اسم على مسمى. حاولو من بداية العام تقراو الوطنيات باش تعرفو شنو كي تسناكوم فلخر ديال العام. مني تخدمو درس فالقسم خدمو التمارين ديالو فالوطنيات، و لكن متركزوش عليهم بزاف حيت عادة امتحانات القسم مختلفين على الوطني، غير يمكن الأستاذ أو الأستاذة يحط شي تمرين من وطني قديم.

الرياضيات مادة خاسها الجهد و الانضباط. كتبان صعيبة -معقدة فالأول، و مع الخدمة كتسهال و كتوضاح. 

من كتب التمارين لي معروف عليهم مزيانين هما المساعد AL MOSSAID و MAXI هاد العام، كاين خمس محاور کبار فالرياضيات: التحليل، الأعداد العقدية، الحسابيات، البنيات الجبرية، و الاحتمالات. الاحتمالات عادة ما كي تحطوش فالدورة

العادية، و لكن واخا هاكاك كي تخدمو.

مادة جديدة و لكن مصعيباش بزاف، واذا تخلعو منها فالأول. حاسك غي تثبت معاها و تحاول تفهم الأساس و تضبط الدرس من أول مرة، حيت كلشي متسلسل. كاينين أربع محاور كبار فمادة SI:

Dessin industriel

فيها الرسم. المبادئ و القوانين، و كتعلمو تخيلو الشكل فبعدين و ثلاثة أبعاد.

Analyse fonctionnelle

دراسة منتوج من ناحية الأعمال لي كي أديها و المكونات ديالو. حاولو تقراو الوطنيات، غي ساعدوكم بزاف تعرفو على المبادئ و طريقة صياغة الجواب. درسو المنتوجات المستعملة فالحياة اليومية، الشيء لي عاونكم تفهمو A.F أكثر.

Chaine d'énergie

Chaine d'information

هادو هما المحاور لي فهم الحساب، السميات، العلاقات و الحفاظة بزاف. عندكم فيها الميكانيك، الكهرباء، دیما خودو big picture و عقلو أن هدشي كولو عندو علاقة مع الواقع، باش يدخل لكم لراسكم. کتاشفو الماكينات ف youtube ، و مواقع ديال prepa، کي

كونو فيهم animations و معلومات إضافية كي عاونوكم تفهمو الدرس.

حاولو تفهمو قبل ما تحفظو الفلاسفة كتار، الأسماء يتخالطو عليكم تعرفو على وجههم، كتبو سميتهم كبيرة فالدفتر قدام الأطروحة باش تعقلوعليهم. متخليوش المجزوءات و المحاور يتراكمو عليكم، حاولو كل امتحان فالقسم تعاودو تراجعو ما فات. كاين الناس لي وجدو في مجزوءتين للوطني (لحالي، وجدت المعرفة و الوضع البشري هما لي واظبت عليهم العام کامل، جبت 17 الحمد لله) ولكن كتعتبر مخاطرة واخا هكاك، الأساتذة كينصحو بثلاثة مجزوءات.

 كاينين أربع مجزوءات : الوضع البشري، المعرفة. السياسة، والأخلاق الأخلاق نادرا مكتحط. 

بالنسبة لأسلوب الكتابة، عنصر مهم فالتعبير، هو لي قدر إيدير الفرق بين 16 و 17، النصيحة لي كنعطي هي المطالعة، واحا القراية، غي مرة فالأسبوع تقراو عشر صفحات رواية أو مقال تفيدكم بزاف. الواحد بشما قرا بشما تجهه الكتابة ساهلة، و يكونو عندو أساليب متنوعة و رصيد لغوي غني، أنا شخصيا لي نفعني هو أني كنت كنترجم للعربية مقالات للتطبيق .Daily Art

هاد العام وجدت SAT، و كان هو المراجعة ديالي لمادة الإنجليزية، إضافة إلى المطالعة. الامتحان الوطني عادة ساهل، ضبطو القواعد ديالكم، خدمو الوطنيات، كاين بعض الجمل كيتعاودو، تعرفو على أنواع التعبير و المنهجية، و تدربو على الكتابة، المطالعة صديقة ديالكم. مكينينش غي الكتب و الروايات لي يمكن لكم تقراو، كاين حتى المقالات فجرائد إلكترونية بحال Medium